هل تفكر العمل على في التداول، اذن احذر من هؤلاء عند بداية رحلة التعلم للعمل بالتداول حتى لا تقع ضحية لاشخاص يدعون بانهم سيقومون بتعليم أسرار تلك المهنة وبأن دخلك أصبح مضمون معهم حيث يقومون بالترويج لأنفسهم عبر منصة التيك توك، ومواقع التواصل الاجتماعي.
بالفترة الاخيرة منتشرة فيديوهات على التيك توك من جماعة 7 مصادر دخل انتبهوا منهم وخصوصا يلي بحكيلك مش صعب انك تعمل 5000 دولار بالشهر انتا فقط محتاج لكذا مصدر دخل وكل مصدر دخل يجيبلك باليوم المبلغ الفلاني
و أخص بالذكر جماعة تعليم التداول و ابعثلي على الانستجرام اشرحلك
طيب ليش ما تشرح على التيك توك نفسه ؟
بتم استغلال اسم التداول ورغبة الشخص بتحسين وضعه المادي ب انه يشترك معهم
بعد الاشتراك بتكتشف انهم ببيعوا الوهم وما بعلموك تداول فعليا بس الشخص يلي دلك عليهم اخذ عمولة لانك اشتركت
ف انتا بتصير بدك تجيب ناس عشان تعوض خسارتك وهيك بتبدا رحلتك بالتسويق الشبكي زي ما بدأ يلي قبلك وخلاك تشترك ف لقيت حالك معلق بالنص بس غالبا رح تكمل عشان تعوض خسارتك مع انك عارف داخليا انك عم تنصب وتكذب على الشخص يلي بده يشترك عن طريقك بس بدك تعوض خسارتك
الموضوع منتشر بكثرة على التيك توك انتبه ودير بالك تشترك معهم
